XITANA MARIÑÁ
dígovos nesta regueifa,
que para rimare cantigas
haivos que nacere meiga.
Meiga grande ou pequeneira,
morena, loura ou cobriza;
cando sona a pandeireta
hai que bailar sen preguiza.
Sen preguiza e sen cautela,
agora é xa o momento da vida,
se agardades á derradeira,
poida que chegue espida.
Espida nacín nesta terra,
descalza na romaría.
Hai moitos que quen lles dera
saber artes de bruxería.
Bruxería contra a malquerenza,
maxia para ser querida;
si eu só quero que me queiras,
esquezo o que por ti sentía.
No hay comentarios:
Publicar un comentario